۱۵/ رمضان المبارک
#ولادت_با_سعادت_حضرت_امام_حسن_علیہ_السلام
← ۱۵/ رمضان المبارک کی رات، سنہ ۳ ہجری میں شیعوں کے دوسرے امام حضرت ابو محمد حسن بن علی بن ابی طالب علیہ السلام کی مدینہ میں ولادت ہوئی۔
[دلائل الامامۃ، ص۱۵۹، ارشاد، ج۲، ص۵؛ بحار الانوار، ج۴۳، ص۲۵۰، ج۹۵، ص۱۹۱؛ اعلام الوری، ج۱، ص۴۰۲؛ کشف الغمۃ، ج۱، ص۵۱۴؛ مسار الشیعہ، ص۷؛ مصباح کفعمی، ج۲، ص۵۹۹؛ العدد القویۃ، ص۲۸؛ شرح احقاق الحق، ج۱۱، ص۲؛ اختیارات، ص۳۸؛ تقویم المحسنین، ص۱۱؛ فیض العلام، ص۳۴؛ تاریخ الخلفاء، ص۱۸۸؛ شرح نہج البلاغۃ، ج۱۶، ص۹؛ تاریخ دمشق، ج۱۳، ص۱۶۸، ج۱۴، ص۲۴۹]
← آپ علیہ السلام کے القاب: سیّد، سبط، امین، اثیر، حجّت، برّ، نقی، زکی، مجتبی، زاہد۔
← آپ علیہ السلام کا رنگ مبارک سرخ و سفید تھا، آپ علیہ السلام کی آنکھیں گشادہ اور سیاہ رنگ کی تھیں۔ خوبصورت چہرہ اور گھنی ڈارھی، گھنگرالے بالوں والے تھے۔
آپ علیہ السلام کی گردن اس طرح چکمتی تھی جیسے صیقل شدہ چاندی، آپ علیہ السلام مناسب قد و قامت کے حامل تھے، شانے کشادہ، اور تمام لوگوں سے زیادہ حسین و جمیل تھے، بہت زیادہ خضاب کیا کرتے تھے، اور جسم اقدس بہت ہی لطیف تھا۔
[بحار الانوار، ج۴۳، ص۲۵۵، ۳۰۳؛ منتہی الاعمال، ج۱، ص۲۱۹۔۲۲۰؛ تاج الموالید، ص۲۴؛ الذریعۃ الطاہرہ، ص۸۴]
← آپ علیہ السلام کی ولادت کے ساتویں دن، آپ علیہ السلام کی والدہ ماجدہ حضرت فاطمہ زہراء سلام اللہ علیہا اپنے اس نو مولود کو اس ریشمی کپڑے میں لپیٹ کر حضرت رسول خدا کی خدمت میں لائیں جسے جبرئیل امین نبی اکرم صلی اللہ علیہ و آلہ کے لئے جنّت سے لے کر آئے تھے۔
← آنحضرت صلی اللہ علیہ و آلہ و سلم نے آپ علیہ السلام کا نام مبارک "حسن" رکھا اور آپ علیہ السلام کے عقیقہ میں ایک گوسفند کی قربانی دی۔
[ارشاد، ج۲، ص۵؛ بحار الانوار، ج۴۳، ص۲۵۰؛ اعلام الوری، ج۱، ص۴۰۲؛ کشف الغمہ، ج۱، ص۵۱۴؛ مصباح کفعمی، ج۲، ص۵۹۹؛ تاج الموالید، ص۲۵؛ العدد القویۃ، ص۲۹؛ فیض العلام، ص۳۴]
📚 تقویم شیعہ، عبد الحسین نیشابوری، انتشارات دلیل ما، ۱۵/ رمضان المبارک، ص۲۷۶
