رضائے مخلوق خدا کو ناراض کرکے

#حضرت_امام_حسین_علیہ_السلام

#رضائے_مخلوق_خدا_کو_ناراض_کرکے

▪️منْ طَلَبَ رِضَى النَّاسِ بِسَخَطِ اللَّهِ وَكَلَهُ اللَّهُ إِلَى النَّاسِ.

▪️جو شخص اللہ کو ناراض کرکے لوگوں کی خوشنودی چاہتا ہے خدا اسے لوگوں کے حوالہ کردیتا ہے۔

📚 مستدرك الوسائل و مستنبط المسائل، ج۱۲، ص۲۰۹، باب تحريم إسخاط الخالق في مرضاة المخلوق حتى الوالدين و وجوب العكس

اربعین حسینی

۲۰/ صفر

#اربعین_حسینی

← 1 - اربعین سیّدالشّهداء علیه السّلام

▪️اس دن حضرت امام حسین علیہ السلام اور آپ کے اہل بیت و اصحاب با وفا کی شہادت جیسے دردناک واقعہ کے چالیس روز ہوجاتے ہیں۔ اہل بیت علیہم السلام کے شیعوں اور محبّوں کو چاہئے کہ آج کے دن سیاہ لباس، کسب و کار کی تعطیل، مجلس عزا کے انعقاد، مجلس و ماتم میں شرکت اور ذکر مصیبت کے ذریعہ اس دن کی تعظیم بجا لائیں۔

حضرت امام حسن عسکری علیہ السلام فرما تے ہیں: عَلَامَاتُ الْمُؤْمِنِ خَمْسٌ صَلَاةُ الْإِحْدَى وَ الْخَمْسِينَ وَ زِيَارَةُ الْأَرْبَعِينَ وَ التَّخَتُّمُ فِي الْيَمِينِ وَ تَعْفِيرُ الْجَبِينِ وَ الْجَهْرُ بسم الله الرحمن الرحيم۔

گناہ کا خوف

 

#حضرت_امام_حسین_علیہ_السلام

#خوف_گناہ

▪️ ایّاکَ اَن تَکونَ مِمَّن یَخافُ عَلَی العِبادِ مِن ذُنوبِهِم وَ یَأمَنُ العُقُوبَةَ مِن ذَنبِهِ

▪️ ایسے لوگوں میں سے نہ ہوجانا جو دوسروں کے سلسلہ میں ان کے گناہوں پر تو فکرمند ہوتے ہیں لیکن اپنے گناہوں پر خود کو سزا سے محفوظ سمجھتے ہیں۔

📚 تحف العقول، ص ۲۴۰، موعظة؛ 

سلام میں پیش قدمی

#حضرت_امام_حسین_علیہ_السلام

#سلام_میں_پیش_قدمی

 

▪️ لِلسَّلَامِ سَبْعُونَ حَسَنَةً تِسْعٌ وَ سِتُّونَ لِلْمُبْتَدِئِ وَ وَاحِدَةٌ لِلرَّادِّ.

▪️ سلام کے لئے ستّر نیکیاں ہیں۔ ۶۹ انہتر سلام میں ابتداء کرنے والے کے لئے ہیں اور ایک سلام کا جواب دینے والے کے لئے۔

📚  بحار الأنوار (ط - بيروت)، ج۷۵، ص۱۲۰، مواعظ الحسين بن أمير المؤمنين صلوات الله عليهما

 

خدمت خلق

#حضرت_امام_حسین_علیہ_السلام

#خدمت_خلق

#تعاون

◾️ إعْلَمُوا أنَّ حَوَائِجَ النّاسِ إلَيْكُمْ مِنْ نِعَمِ اللّه ِ عَلَيْكُمْ فَلا تَمَلُّوا النَّعَمَ فَتَتَحَوَّلُ إلي غَيْرِكُمْ. 

◾️جان لو کہ لوگوں کو تمہاری ضرورت تم پر خدا کی نعمتوں میں سے ہے لہذا ان نعتموں سے رنجیدہ و ملول مت ہو  ورنہ یہ دوسروں کو دے دی جائے گی۔

📚 مستدرك الوسائل و مستنبط المسائل، ج۱۲، ص۳۶۹، باب وجوب حسن جوار النعم بالشكر و أداء الحقوق

ادب

#حضرت_امام_حسین_علیہ_السلام

#ادب

▪️ سئِلَ الاْمامُ الْحُسَینُ علیه السلام عَنِ الاْدَبِ، فقالَ: هُوَ اَنْ تَخْرُجَ مِنْ بَیتِک، فَلا تُلْقِی اَحَداً اِلاّ رَأَیتَ لَهُ الْفَضْلَ عَلَیک.

▪️ حضرت امام حسین علیہ السلام سے ادب کے بارے میں سوال ہوا۔

فرمایا: ادب یہ ہے کہ جب آپ اپنے گھر سے نکلیں تو جس سے بھی آپ ملاقات کریں اسے خود سے بہتر سمجھیں۔

📚 موسوعة کلمات الامام الحسین(علیه السلام)، ص۷۵۰، الفصل الثالث فی الاخلاق، معنی الادب، 

جزا و سزا

 

#حضرت_امام_حسین_علیہ_السلام

#جزا_و_سزا

▪️ إعْمَلْ عَمَلَ رَجُلٍ يَعْلَمُ أَنَّهُ مَأْخُوذٌ بِالْإِجْرَامِ مَجْزِيٌّ بِالْإِحْسَانِ‏

▪️ اس شخص کی طرح عمل انجام دو جو جانتا ہے کہ ارتکابِ جرم پر اس کی بازپرس ہو گی اور نیکی کرنے پر اسے جزا سے نوازا جائے گا۔

📚 كنز الفوائد، ج‏2، ص32، فصل من عيون الحكم و نكت من جواهر الكلام.....

شکر نعمت

 

#حضرت_امام_حسین_علیہ_السلام

#شکر_نعمت

▪️

شُكْرُكَ لِنِعْمَةٍ سَالِفَةٍ يَقْتَضِي نِعْمَةً آنِفَةً

▪️ گذشتہ نعمتوں پر تمہارا شکر آئندہ کی نعمتوں کا باعث ہے۔

📚 نزهة الناظر و تنبيه الخاطر، ص۸۰، لمع من كلام الإمام‏[الشهيد سيد شباب أهل الجنة أبى عبد الله‏] الحسين بن علي عليهما السلام


▫️▫️▫️▫️▫️
✍🏼 شکر نعمتت، نعمت افزون کند
        کفر، نعمت از کَفَت بیرون کند

نعمت پر شکر نعمت میں اضافہ کا سبب ہوتا ہے اور ناشکری نعمتوں سے محروم کرتی ہے۔

نعماتِ الہی کبھی انسان کے لئے ایک امتحان ہوتی ہیں تو کبھی بہت ہی دشوار امتحان۔

خدا کی نعمتوں کا ادراک ایک مرحلہ ہے، اور یہ جان لینا کہ تمام نعمتیں خدا کی ہی جانب سے ہیں ایک دوسرا مرحلہ ہوگا، اس پر توجہ کہ ان نعمتوں کے مقابل ہمارا فرض یہ ہے کہ شکر بجا لائیں ایک تیسرا مرحلہ ہے اور شکر کی توفیق، چاہے وہ لسانی شکر ہو یا عملی جو سب سے اہم ہے، چوتھا قدم ہوگا۔

ہمارے ائمہ علیہم السلام نے فرمایا ہے: ہم شکر سے زیادہ کسی بھی چیز کو خدا کی نعمتوں کی بقا اور اضافہ کا سبب نہیں جانتے، اور کفران نعمت اور ناسپاسی سے بڑھ کر کسی چیز کو نعمتوں کے ختم ہونے اور بدلنے کا سبب نہیں جانتے، اور یہی حکمت قرآنی ہے: لَئِنْ شَكَرْتُمْ لَأَزيدَنَّكُمْ و…. اگر تم ہمارا شکریہ اد اکرو گے تو ہم نعمتوں میں اضافہ کردیں گے۔ [ابراہیم، آیت:۷]

نعماتِ الہی اس قدر زیادہ ہیں کہ جس کے شمار کرنے سے ہم عاجز ہیں۔

نعمت پر شکر بجا لانے میں سستی، ہمیں محرومیت کے میدان میں پہونچا دیتی ہے۔

لسانی شکر، شکر کا سب سے نچلا درجہ ہے اور اس سے بالاتر عملی شکر ہے، وہ یہ ہے کہ نعمت کو نیک راہ میں، صاحبِ نعمت کے حکم اور اس کی مرضی کے مطابق استعمال کریں اور اس کا حق ادا کریں۔

احادیث میں آیا ہے کہ نعمت کے مقابل ہمارا فریضہ یہ ہے کہ اسے گناہ کی راہ میں استعمال نہ کریں۔

شکرِ نعمت سے نعمتوں کو دوام ملتا ہے، یہ اللہ کی ایک سنّت ہے۔

📚 حکمت ہائے حسینی، جواد محدثی، ص ۳۱



https://t.me/klmnoor

https://www.facebook.com/klmnoor