۲۵/ شوال
#شہادت_امام_صادق_علیہ_السلام
حضرت امام صادق علیہ السّلام نے سنہ ۱۴۸ھ میں اس دن شہادت پائی۔
[قلائد النحور، ج شوال، ص۱۳۹؛ جنات الخلود، ص۲۹؛ مستدرک سفینه البحار، ج۶، ص۶۶]
آپ علیہ السلام کی شہادت ۱۵/رجب،
[تاج المولید، ص۴۴، اعلام الوریٰ، ج۱، ص۵۱۴، روضۃ الواعظین، ص۲۱۲، بحار الانوار، ج۴۷، ص۱]
اور ۱۵/شوال میں بھی ذکر ہوئی ہے۔
[شرح احقاق الحق، ج۲۸، ص۵۰۷، مستدرک سفینۃ البحار، ج۶، ص۶۶، بحار الانوار، ج۹۷، ص۲۱۰، ج۹۹، ص۲۵]
اکثریت تقریبا متفقہ طور پر آپ علیہ السلام کی شہادت کو ماہ شوال میں ہی جانتی ہے۔
[الکافی، ج۱، ص۴۷۲، الارشاد، ج۲، ص۱۸۰، تھذیب الاحکام، ج۶، ص۸۷، تاج الموالید، ص۳۳، ینابیع المودہ، ج۳، ص۱۶۰]
امام علیہ السلام کی شہادت ان زہر آلود انگور کے ذریعہ انجام پائی تھی جسے منصور نے آپ علیہ السلام کی کھلایا تھا۔
[مناقب ابن شهر آشوب، ج۴، ص۲۸۰]
آپ علیہ السلام کی مدّت امامت ۳۴ سال اور عمر شریف ۶۵ سال تھی۔
حضرت امام صادق علیہ السلام کے دوران امامت میں سات غاصب حکام رہے جن کے نام مندرجہ ذیل ہیں:
بنی امیّہ سے ہشام بن عبد الملک، ولید بن یزید بن عبد الملک، یزید بن ولید، ابراہیم بن ولید اور مروان حمار،
اور بنی عباس سے سفّاح اور منصور دوانیقی۔
آپ علیہ السلام کی اولاد میں سات بیٹے اور تین بیٹیاں ہیں: حضرت موسی بن جعفر علیہ السّلام، اسماعیل، عبداللَّه، محمّد دیباج، اسحاق، علی عریضی (علی بن جعفر، مدفون قم) ، عباس، امّ فروہ، اسماء، اور فاطمہ۔
[مناقب ابن شہر آشوب، ج۴، ص۲۸۰، بحار الانوار، ج۴۷، ص۲۴۱]
📚 تقویم شیعہ، عبد الحسین نیشابوری، انتشارات دلیل ما، ۲۵/ شوال، ص۳۲۰
