#عید_غدیر
🌹🌹عید اللہ الاکبر🌹🌹
🌴🌴 حضرت نبی اکرم صلّی اللہ علیہ و آلہ اور حجاج کرام نے 18 ذی الحجہ، صبح میں نماز ادا کی، پھر۔۔۔۔۔۔۔کاروان ولایت چل پڑا۔۔۔۔۔۔۔ اس مقام کی جانب۔۔۔۔۔۔۔۔۔۔۔ جہاں پر کوئی اہم پیغام عام ہونے والا تھا۔
👈🏼 شاید مسلمانوں کی خوشحالی اور کفار کی مایوسی کا پیغام ہو!
⚠️ اسی لئے منافقین کے ٹولے میں کھلبھلی مچی ہوئی تھی کیوں کہ رسول خدا صلّی اللہ علیہ و آلہ نے کبھی منیٰ میں ولایت کا اشارہ دیا، تو کہیں مسجد خیف میں حدیث ثقلین سنائی۔۔۔۔۔۔۔۔۔۔ وہیں سے منافقوں کی سرگرمیوں کا آغاز ہوگیا تھا اور کچھ لوگوں نے تو عہد و پیمان بھی کرلیا کہ کچھ بھی ہو امامت کو اہل بیت میں نہیں جانے دینا ہے۔ [بحارالانوار، ج37، 114۔]
✅ اور حج کے اختتام تک تو علی بن ابی طالب(ع) کے لئے ’’امیرالمومنین‘‘ کا لقب بھی خدا کی جانب سے آگیا۔۔۔۔۔۔
💢بہر کیف ابھی پانچ گھنٹے کا سفر باقی تھا۔ اور ہزاروں کی تعداد میں مسلمانوں کا عظیم مجمع بل کھاتی ہوئی پانی کی موجوں کی طرح منزل مقصود کی سمت رواں دواں تھا۔۔۔۔۔۔۔۔۔۔۔۔ تبھی وہ گھڑی آگئی جب آنحضرت(ع) نے ’’ کراع غمیم‘‘ پر قدم رکھا۔۔۔۔۔۔۔۔۔۔۔۔۔۔ اپنا رخ غدیر کی جانب موڑ دیا اور فرمایا:
🌹🌹 ’’ایھا الناس، اجیبو داعی اللہ، انا رسول اللہ‘‘🌹🌹
💥 یہ اشارہ تھا کہ کوئی اہم پیغام خدا کی جانب سے آن پہونچا ہے۔۔۔۔۔۔۔۔۔۔۔ منادی کو حکم ملا کہ آواز دے: جو آگے چلے گئے ہیں واپس آجائیں اور جو پیچھے رہ گئے ہیں انکا انتظار کیا جائے۔۔۔۔۔۔۔۔۔۔ آگے والے لوگ پیچھے آئے پیچھے رہ جانے والوں کا انتظار کیا گیا؛ اس طرح مسلمان ایک جگہ جمع ہوگئے اور یہ صحرا پہلی بار اتنے عظیم اجتماع کا میزبان بنا.
💥گرمی کی شدت کی وجہ سے لوگ اپنے لباس کے ایک سرے کو سر پر تو دوسرا سرا پیروں کے نیچے رکھے ہوئے تھے۔۔۔۔۔۔۔۔۔۔۔۔ نبی گرامی نے جناب مقداد سلمان ابوذر اور عمار کو بلایا تاکہ ایک قطار میں لگے ہوئے پرانے درختوں کے پاس کی جگہ کو صاف کریں اور انکی شاخوں کے سہارے ایک سائباں کا انتظام کریں، اس لئے کہ دھوپ کی شدت ہے اور پروگرام بڑا تفصیلی۔۔۔۔۔۔۔۔۔۔ اس کے بعد پتھروں یکجا کیا گیا، کجاوے اتارے گئے تاکہ غدیری منبر بنایا جاسکے۔
⭕️ خلاصہ یہ کہ انتظار کے لمحے ختم ہوئے۔۔۔۔۔۔۔۔۔ اذان ظہر کے ساتھ نماز باجماعت کا قیام ہوا اور رسول منبر پر تشریف لے گئے؛ لیکن اس مرتبہ منبر پر اکیلے نہیں بلکہ امیرالمومنین کو بھی حکم دیا کہ منبر پر آئیں۔۔۔۔۔۔۔۔۔۔۔۔۔۔ ادھر علی(ع) منبر نبی کی داہنی طرف کھڑے ہوئے ادھر رسول(ص) کا تاریخی خطبہ شروع ہوا،الحمد للہ الذی علی فی توحدہ۔۔۔ مسلمان اپنے نبی کے خطبہ کو چلچلاتی دھوپ میں بغور سن رہے تھے تبھی آواز آئی ’’الا من کنت مولاہ فہذا علی مولاہ۔۔۔۔۔۔۔۔۔ آگاہ ہوجاؤ جس کا میں مولا ہوں اس کے علی مولیٰ ہیں۔۔۔۔۔۔۔۔۔۔ ادھر غدیری اعلان سنایاگیا ادھر خدا نے اسلام پر مہر لگادی:
الْيَوْمَ يَئسَ الَّذِينَ كَفَرُوا مِن دِينِكُمْ فَلَا تخشَوْهُمْ وَ اخْشَوْنِ الْيَوْمَ أَكْمَلْتُ لَكُمْ دِينَكُمْ وَ أَتممْتُ عَلَيْكُمْ نِعْمَتی وَ رَضِيتُ لَكُمُ الْاسْلَام دینا۔ [مائدہ /3]
🔰 کفار تمہارے دین سے مایوس ہوگئے ہیں لہذا تم ان سے نہ ڈرو مجھ سے ڈرو،
🔰 تمہارے لئے دین کو کامل کردیا ہے
🔰 اور اپنی نعمتوں کو تمام کردیا ہے
🔰 اور تمہارے لئے دین اسلام کو پسندیدہ بنادیا ہے۔
