✍🏼حضرت امیرالمومنین علیہ السلام نے لوگوں کو دو گروہوں میں تقسیم کیا ہے:
۱۔ جو اپنے نفس کو خرید لیتے ہیں اور آزاد کردیتے ہیں۔
۲۔ جو خود کو بیچ ڈالتے ہیں اور غلام بن جاتے ہیں۔
▫️اس روایت میں نفس انسان کو ایک غلام سے تشبیہ دی گئی ہے کہ جو دوسرے کی ملکیت میں ہوا کرتا ہے؛ آزاد انسان وہ ہے جو اپنے نفس کو خرید کر آزاد کردے۔ دوسرے لفظوں میں: انسان اسیر ہے؛ کبھی شہوتوں کی زنجیروں میں، کبھی مقام و منصب کی قید میں، تو کبھی اہل و عیال کے حصار میں اور کبھی اوہام و خیالات کی تاریکیوں میں۔ اسے چاہئے کہ خود کو ان زنجیروں سے آزاد کرلے نہ یہ کہ خود کو ان چیزوں کے عوض بیچ ڈالے، اور غلام بن جائے۔
▫️کچھ لوگ اپنے کو بیچ دیا کرتے ہیں۔ آخر کیوں؟
▫️کیوں کہ انہوں نے اپنی قیمت کو نہیں پہچانا ہے؛ وہ نہیں جانتے کہ انسان کے اندر ایسی قوت پائی جاتی ہے کہ ملائک سے بھی آگے نکل جائے اور انکا رہبر ہوجائے، اس سے بھی بڑھ کر روئے زمیں پر خلیفۃ اللہ قرار پائے۔ لہذا جو اپنے کو بیچ ڈالتا ہے حقیقت میں وہ خود کو نہیں پہچانتا۔ اپنے کو وہی شخص بیچتا ہے جو اپنی قدر و منزلت سے واقف نہیں ہوتا، یا اس کے عوض میں ملنے والی ناچیز قیمت کو نہیں جانتا ہے۔ مثال کے طور پر اپنے اقدار کو ہوا اور ہوس کے عوض بیچ دیتا ہے؛ یا وہ اپنی قدر و قیمت کو نہیں جانتا یا اس نے ہوا و ہوس کی پستی کو نہیں سمجھا ہے۔
👈🏼حضرت امیر المومنین علیہ السلام سے ہی فرماتے ہیں:
📗إنَّهُ لَيْسَ لِأَنْفُسِكُمْ ثَمَنٌ إِلَّا الْجَنَّةَ فَلَا تَبِيعُوهَا إِلَّا بِهَا
📜تمہارے نفس کی قیمت جنت (اور رضائے حق) کے سوا کوئی چیز نہیں ہوسکتی، لہذا اس سے کم پر اسے نہ بیچنا۔
📚نهج البلاغة (للصبحي صالح)، حکم 556، ص556.
📚عيون الحكم و المواعظ (لليثي)، ص108،الفصل الثامن بألف الإستفتاح
✍🏼اس روایت کے مطابق پورے عالم میں نفس انسان کا خریدار فقط ایک ہی ہے اور اسکی قیمت بھی ایک ہے اور وہ خدا ہے جو جنت اور اپنی مرضی کو اس کے عوض عطا کرتا ہے۔
▫️ہر شخص انہیں دو گروہوں میں سے کسی ایک سے ہے.
⚠️ہمیں دیکھنا چاہئے کہ ہم کس گروہ سے ہیں۔
📚۱۱۰سرمشق از سخنان حضرت علی ع ، آیۃ اللہ مکارم شیرازی، ص ۵۲
💐💐💐💐💐
