#شب_ہجرت
#لیلة_المبیت
✍🏼 یکم ربیع الاول بعثت کے تیرہویں سال پیغمبر اکرم صلی الله علیہ و آلہ و سلم نے مکہ سے ہجرت فرمائی اور حضرت علی علیہ السلام رسول اکرم صلی اللہ علیہ و آلہ و سلم کے بستر پر سوئے جسے «لیلة المبیت» کہا جاتا ہے۔
ماہ صفر کے آخری ایام میں قریش کے سردار دارالندوہ میں جمع ہوئے تاکہ کوئی ایسا راستہ تلاش کرسکیں جس کے ذریعہ رسول اکرم صلی اللہ علیہ و آلہ و سلم کے ساتھ ساتھ صدائے توحید کو بھی ہمیشہ ہمشہ کے لئے خاموش کردیا جائے، جیسا کہ قرآں مجید میں بھی آیا ہے:
🔴 و اًّذ یَمكُرُ بِكَ الَّذیِنَ كَفَرُوا لِیُثبِتوكَ اَوْ یَقتُلوكَ أَو یُخْرِجُوكَ وَ یَمكُروُنَ وَ یَمكُرُ الله وَ الله خَیرُ المَاكِرینَ
🔵 اور پیغمبر آپ اس وقت کو یاد کریں جب کفار تدبیریں کرتے تھے کہ آپ کو قید کرلیں یا شہر بدر کردیں یا قتل کردیں اور ان کی تدبیروں کے ساتھ خدا بھی اس کے خلاف انتظام کررہا تھا اور وہ بہترین انتظام کرنے والا ہے.
📚سورہ انفال/30
۔۔۔۔۔۔۔آخر کار قریش نے طے کیا کہ ہر قبیلہ سے ایک آدمی کا انتخاب ہو اور سب مل کر آپ صلی اللہ علیہ و آلہ کے گھر پر حملہ کریں، اور ان کے ٹکڑے ٹکڑے کر ڈالیں۔ اس طرح سے ان کے دین سے بھی پناہ مل جائے گی اور ان کا خون کسی ایک کی گردن پر نہیں ہوگا کہ بنی ہاشم انتقام لے سکیں۔ فرشتہ وحی نے حضور صلی اللہ علیہ و آلہ و سلم کو مشرکوں کے اس ناپاک منصوبہ آگاہ کیا اور خدا کا حکم پہونچایا کہ مکہ سے مدینہ کی طرف ہجرت کرجائیں۔ پیغمبر اکرم صلی اللہ علیہ و آلہ و علم نے حضرت علی علیہ السلام کو اس نقشہ سے آگاہ کیا اور کہا: آج کی شب میرے بستر پر سو رہو اور میری سبز چادر اوڑھ لو تاکہ وہ سمجھیں کہ میں گھر پر ہی ہوں اور بستر پر سو رہا ہوں اور وہ ہمارا پیچھا نہ کرسکیں۔ اس کے بعد رسول اکرم صلی اللہ علیہ و آلہ و سلم غارثور کی جانب نکل پڑے اور خدا سے دعا کی کہ دشمن ان تک نہ پہونچنے پائے۔۔۔۔۔۔۔۔
📚 لباب التأويل فى معانى التنزيل، بغدادی، ج2، ص307؛ التفسير المبين، ج1، ص231؛ حجة التفاسير و بلاغ الإكسير، ج3، ص38؛ إعلام الورى بأعلام الهدى (ط - القديمة)، ص480.
اور امام علی علیہ السلام پورے اطمینان کے ساتھ بستر پر سو گئے، خدا نے امیرالمومنین علیہ السلام کے اس کام پر فرشتوں کے سامنے مباہات کیا اور جب رسول صلی اللہ علیہ و آلہ و سلم مدینہ کی جابت سفر کررہے تھے امام علیہ السلام کی شان میں آیت نازل کی:
🔴 و مِنَ النّاسِ مَن یشری نَفسَهُ ابتِغأَ مَرضاتِ الله و الله رَئوفٌ بالعباد [بقره/207]
🔵 اور لوگوں میں وہ بھی ہیں جو اپنے نفس کو مرضی پروردگار کے لئے بیچ ڈالتے ہیں اور اللہ اپنے بندوں پر بڑا مہربان ہے.
📚 الجامع لأحكام القرآن، ج3، ص30؛ احیاءالعلوم، ج3، ص 378؛ تذكرہ الخواص، ص35؛ شواهد التنزیل، ج1، ص 123۔
https://www.facebook.com/klmnoor
