شہادت امام ہادی علیہ السلام

۳/ رجب المرجب

#شہادت_امام_ہادی_علیہ_السلام

حضرت امام ابوالحسن علی نقی الہادی علیہ السلام کی غمناک شہادت سنہ ۲۵۴ھ بنابر مشہور ۴۱ سال کی عمر میں ہوئی ہے۔[۱]

مرحوم کلینی رح آپ علیہ السلام کی شہادت کو ۲۶/ جمادی الاخر میں تحریر فرماتے ہیں۔ [۲] اور ۲۵/ جمادی الاخر کی تاریخ بھی ذکر ہوئی ہے۔ [۳]

مشہور روایات کے مطابق آپ علیہ السلام جب ۶ یا ۸ سال اور ۵ ماہ کے تھے تو والد بزرگوار حضرت جواد الائمہ علیہ السلام کی شہادت ہوجاتی ہے۔ اور آپ علیہ السلام امامت و خلافت عظمی کے منصب پر فائز ہوتے ہیں۔ آپ علیہ السلام کی مدت امامت 33 سال تھی۔[۴] 

حضرت امام ہادی علیہ السلام کی حیات طیّبہ مامون، متعتصم، واثق، متوکل، منتصر، مستعین اور معتز کی ناحق خلافت کے زمانے میں تھی اور آخر الامر معتز نے آپ علیہ السلام کو زہر سے شہید کردیا۔

امام علیہ السلام کی عمر مبارک ۴۱ سال چند ماہ تھی، ۱۳ سال تک مدینہ میں رہے اور بقیہ ایام امامت میں متوکل کے اجبار پر سامرا میں رہے۔

حاکم مدینہ نے متوکل کو لکھ بھیجا کہ اگر آپ کو مکہ و مدینہ سے کوئی مطلب ہو تو علی بن محمد علیہما السلام کو اس علاقہ سے بلا لیں کہ انہوں نے سب کو اپنا مطیع بنا لیا ہے۔

مدینہ میں متوکل کے حکم سے آپ علیہ السلام پر آزار و اذیت میں اضافہ کردیا گیا، جب تک امام علیہ السلام کو سامرا نہیں لے جایا گیا، مختلف طرح سے ستایا گیا، یہاں تک کہ معتز نے زہر سے شہید کردیا۔ 

حضرت امام عسکری علیہ السلام نے غسل و کفن کا انتظام کیا اور نماز جنازہ پڑھی۔ اس کے بعد ظاہر طور پر یہ امور دوسروں کے ذریعہ بھی انجام پایا اور جس مکان میں آپ علیہ السلام قیام پذیر تھے اسی جگہ موجودہ حرم مطہّر میں دفن کیا گیا۔ [۵]

📚 تقویم شیعہ، عبد الحسین نیشابوری، انتشارات دلیل ما، ص۱۸۶۔

📚حوالے:

 [۱] توضیح المقاصد، ۱۶؛ مسارالشیعہ، ص۳۴؛ مصباح المتھجد، ص۷۴۱؛ بحار الانوار، ج۵۰، ص۱۱۳، ۱۱۷، ۱۹۲؛ ج۹۹، ص۷۹؛ مناقب آل ابی طالب ع، ج۴، ص۴۳۳؛ مصباح کفعمی، ج۲، ص۵۹۹۔۔۔

[۲] الکافی، ج۱، ص۳۹۷، مناقب آل ابی طالب ع، ج۴، ص۴۳۳۔۔۔

[۳] تاریخ الائمہ، ص۱۳؛ کشف الغمۃ، ج۲، ص۳۷۵

[۴] الارشاد، ج۲، ص۲۹۷

[۵] الارشاد، ج۲، ص۲۹۷، ۳۰۹؛ مناقب آل ابی طالب ع، ج۴، ص۴۳۳؛ بحارالانوار، ج۵۰، ص۱۱۴، ۱۱۷، ۲۰۰، ۲۰۶، ۲۵۹۔

⚫️ اللَّهُم‏ صَلِّ عَلَى عَلِيِّ بْنِ مُحَمَّدٍ وَصِيِّ الْأَوْصِيَاءِ وَ إِمَامِ الْأَتْقِيَاءِ وَ خَلَفِ أَئِمَّةِ الدِّينِ وَ الْحُجَّةِ عَلَى الْخَلائِقِ أَجْمَعِينَ اللَّهُمَّ كَمَا جَعَلْتَهُ نُورا يَسْتَضِي‏ءُ بِهِ الْمُؤْمِنُونَ فَبَشَّرَ بِالْجَزِيلِ مِنْ ثَوَابِكَ وَ أَنْذَرَ بِالْأَلِيمِ مِنْ عِقَابِكَ وَ حَذَّرَ بَأْسَكَ وَ ذَكَّرَ بِآيَاتِكَ وَ أَحَلَّ حَلالَكَ وَ حَرَّمَ حَرَامَكَ وَ بَيَّنَ شَرَائِعَكَ وَ فَرَائِضَكَ وَ حَضَّ عَلَى عِبَادَتِكَ وَ أَمَرَ بِطَاعَتِكَ وَ نَهَى عَنْ مَعْصِيَتِكَ فَصَلِّ عَلَيْهِ أَفْضَلَ مَا صَلَّيْتَ عَلَى أَحَدٍ مِنْ أَوْلِيَائِكَ وَ ذُرِّيَّةِ أَنْبِيَائِكَ يَا إِلَهَ الْعَالَمِين.

https://t.me/klmnoor

https://www.facebook.com/klmnoor